【我行我素】游@西環石塘咀南里
西寶城附近有間素食餐廳，門面似Art Gallery，行落一層是素食餐廳，座位不算多，最搶眼是角落的球型擺設，中秋節換上了大月球，我們笑說它是否由觀塘走佬，由山根再變月球停泊於此。在月球旁的人可以大肆享用美味及極富心思的素食佳餚，菜式「游」走於英、法、葡等歐洲菜系，擺盤頗富心思，營造素食Fine Dining 的感受。
不詳談每樣食物，如果有興趣想試試，提議叫香煎鵝肝配焦糖蘋果$168，相比配無花果更加和味，而且是晚的素鵝肝煎得又香又熱，外脆內嫩。其次，法式千層酥$98，純素版的Custard Cream味道和質感都媲美原版由雞蛋做成。唧花的功夫有待改善，酥皮及Cream 的味道卻非常不錯！
如果閣下去食大餐，不妨叫Signature 威靈頓牛柳$488，酥皮香酥，色澤誘人，素牛肉Juicy 滑嫩，一份足夠2~4人分享。假如你不抗拒香蔥，其實日式香蔥拖羅丼$228都幾正！細心發現有少少素魚子，可能由蒟蒻加分子料理的方式誕生。
這裡，相信是我暫時見過、食過最有Heart，又神似、形似和味似的新派素菜。
預早訂位。
菜式包括：
香煎鵝肝配焦糖蘋果$168 ︳威靈頓牛柳$488︳黑朱古力慕絲$98︳普羅旺斯燉菜冷盤$158︳蘭開夏郡熱鍋$268︳法式千層酥$98︳日式香蔥拖羅丼$228︳香煎鵝肝配黑醋無花果$168..............................
Follow me素食整色整水-尹嘉蔚Kriswan
#西環素食 #kriswankawai #尹嘉蔚 #vegetarian #vegan #素食邊度食 #素食整色整水 Yau Veggie Bistro
Search